CEBU CITY- Gibisita ni Cebu City Police Office (CCPO) City Director Police Col. Antonietto Cañete ang Barangay Pulangbato sa bukirang bahin sa dakbayan sa Sugbo atol sa programang “Pakighimamat ni CD sa mga Barangay”
Kini isip proactive nga approach sa community engagement ug partnership kapulisan sa dakbayan ngadto na sa matag barangay.
Mainiton kining gi-abi-abi ni Barangay Chairman John Barry V. Miñoza ang City Director ug mga kaubanan sa ilang Barangay Hall niadtong adlaw sa Huwebes Nobyembre 21, 2024.
Ang tumong niini nga inisyatiba mao ang pagpalig-on sa community police pinaagi sa pagpataas sa kahibalo sa publiko bahin sa pakigbatok sa ilegal nga droga ug kriminalidad.
Ang programa nga “Pakighimamat ni CD sa Barangay” nagtukod ug pagsalig ug kooperasyon tali sa kapulisan ug komunidad.
Tumong niini nga ma-edukar ang publiko sa kamahinungdanon sa pagtaho sa mga ilegal nga kalihokan ug paghatag og suporta sa kapulisan sa ilang paningkamot sa pagsumpo sa kriminalidad.
