Gipakuratan sa national director sa Miss Universe Democratic Republic of Congo nga si Anado Kabika, ang mga netizens sa gihimo niini tungod sa gisul-ob nga gown nga hinimo sa mga condom.
Kaylap karon sa social media ang pinasahing gown,diin iyang gisuot atol sa coronation night sa Miss Universe 2024 sa Mexico, kansa iya matud pang gituyo aron makuha ang atensyon sa mga tawo kalabot sa ‘Sexual Health Awareness and Social Responsibility’.
Matud ni Kabika, kinahanglang protektahan sa katawhan ang ilang kaugalingon pinaagi sa paggamit og condom panahon sa pakighilawas kansa suportado sa mga netizens aron malikayan ang mga sakit nga makuha.
Gibutyag ni Kabika nga gisagol na niya ang mga ginamit ug wala pa magamit nga condoms sa pagmugna niini nga gown.
