Nanawagan si Senador Christopher Bong Go kang Senador Imee Marcos nga magpatunga nila ni Bise Presidente Sara Duterte ug Presidente Ferdinand Marcos Jr., alang sa kahusay sa tanan ug sa kaayohan sa matag Pilipino.
Nunot kini sa mga nahimong pagtira ni VP Sara sa Presidente, First Lady Liza Araneta-Marcos, ug kang House Speaker Martin Romualdez.
Diin ang bise presidente niingon nga nagkontrata siya og assassin nga mopatay kang Presidente Marcos Jr. kung dunay mahitabo kaniya.
Matod pa ni Go, kon si Senador Imee ang naghiusa sa UniTeam ni Marcos ug Duterte sa miaging eleksyon, kay possible usab nga mahimong instrumento kini sa kalinaw ug kahusay sa duha ka labing taas nga opisyal sa nasod.
Ang senador niinsistir, gi-install sila sa mga tawo aron magtrabaho.
Nag-ugat ang mga bahad ni VP Sara human nipagawas og kamanduan nga ibalhin ang iyang chief of staff nga si Undersecretary Zuleika Lopez gikan sa House detention facility ngadto sa Correctional Institution for Women sa Mandaluyong City.
Diin matud ni Duterte nga ang plano sa pagbalhin usa ka “attempted homicide.”
