CEBU CITY- Naka-alerto ang Cebu City Police Office karong adlawa sa Sabado, Nobyembre 30, 2024 atol sa kausaolgan sa nasod sa Adlaw ni Bonifacio (Bonifacio Day).
Matod pa ni PLt Col Maria Theresa Macatangay, and Deputy City Director for Operations sa CCPO nga ang ilang deployment kay magpabilin nga normal.
Dugang niini nga ilang gipakusgan ang ilang intelligence monitoring efforts, uban sa usa ka lihok protesta nga gikatakda nga ilunsad sa alas 8 sa buntag sa Sabado sa mga progresibong grupo.
Ang mga progresibong grupo mopahigayon og martsa protesta gikan sa Fuente Osmeña Cirle paingon sa dalan Colon alas 8 sa buntag.
Gawas sa pagdeploy og mga pulis aron makita sa kadalanan, ang CCPO nag-andam usab og mga personahe sa pagsulbad sa bisan unsang kagubot nga mahimong motumaw sa mga progresibong grupo.
Nipasidaan ang kapolisan sa dakbayan sa Sugbo nga kon molapas sa mga utlanan ang mga nagprotesta o makalapas sa balaod, mangilabot ang mga opisyal aron mamintinar ang kalinaw ug kahusay sa dakbayan.
Gawas sa martsa-protesta sa mga progresibong grupo, ipahigayon usab ang candle-lighting event sa mga supporters ni Bise Presidente Sara Duterte sa Metropolitan Cathedral karong hapon.
Gipanglantawan sa kapolisan nga kini nga kalihokan makadani usab sa mga tawo, nga mag-aghat kanila sa pagpadala og dugang nga mga opisyal aron mapadayon ang kalinaw ug kahusay.
Gimanduan usab ang kapulisan sa pagtabang sa mga traffic personnel sa pagdumala sa dagan sa trapiko aron malikayan ang pagkabalda sa mga pasahero nga mopauli niadtong higayona.
Walay nakitang hulga sa seguridad ang kapulisan sa dakbayan sa Sugbo ingon man nga ang tanang station commander gimanduan nga magpabiling mabinantayon sa ilang mga area of responsibility.
