TALISAY CITY-Gihimug-atan ni Talisay City Mayor Gerald Anthony “Samsam” Gullas nga andam siyang mupasaylo sa radio blocktimer nga si Roger Cimafranca ug sa kaubanan niini nga nasikop sa mga sakop sa Talisay City Police ug CIDG-7 apan dili kini niya i-atras ang kasong pagpangilkil batok kaniya.
Matod pa sa pakighinabi ni Mayor Gullas sa Bombo Newsteam diin gitataw niini nga nagbuhat na kini og affidavit sa iyang mga abogado aron maka-andam kung unsa pang mga kaso ang ipasaka batok kang Cimafranca.
Dugang pa ni Mayor Gullas nga wala gyud kiniy problema kung aduna kiniy kaatbang sa umaabot piniliay sa Mayo sunod tuig apan ang nakapait lang kay gigamit kini isip maniobra sa pagbuhat og illegal nga makabalda sa diwa sa demokrasya.
Gani matod pa niya nga wala gani kini negatibong emosyon sa higayong ni-file sa pagkakandidatura si Cimafranca sa nakalabayng buwan sa Oktubre og nakapadasig lang kaniya nga palambuon iyang serbisyo sa dakbayan sa Talisay.
Dugang pa sa opisyal nga dili pud kini muduso og kaso ngadto sa Comelec sa pag-disqualigy kang Cimafranca sa paglansar sa pagka-mayor sa dakbayan sa Talisay.
