CEBU PROVINCE-Pormal nang giinagurahan sa lungsod sa Malabuyoc sa habagatang Sugbo ang bag-ong duha-ka andana nga Public Market niini kagahapong adlawa sa Sabado, Nobyembre 30, 2024.
Gipangulohan ang maong inugurasyon ni Cebu Provincial Governor Gwendolyn Garcia uban sila Malabuyoc Mayor Erlinda Piedad, Rep. Peter John Calderon ug mga Provincial Board Members sa kagamhanang lalawigan.
Ang modernong pasilidad kay gitukod sa Barangay Poblacion I nga adunay otal floor area of 2,000 square meters.
Natukod kini pinaagi sa P45-milyones nga local nga pundo sa kagamhanang lungsod sa Malabuyoc ug sa P10-milyones nga alote gikan sa Cebu Provincial Government alang sa site development ug pagtukod sa usa ka bagsakan center aron sa pagpalambo sa functionality sa merkado.
Ang pampublikong merkado kay adunay 38 ka maabangan nga stalls ug 67 ka lamesa, nga nagtanyag og igong luna alang sa mga tindero/tindera nga magpakita sa ilang mga baligya ug maghatag sa mga residente og mas maayong access sa presko nga produkto ug uban pang kinahanglanon.
