CEBU CITY- Gilusad sa kabumberohan sa dakbayan sa Sugbo ang “Oplan Paalala: Iwas Paputok 2024” agig tubag sa naandang Batasan sa kulturang Pilipino nga magpabuto sa pagsugat sa Pasko ug sa Bag-ong Tuig.
Sa eksklusibong pakighinabi sa Bombo Newsteam kang Senior Fire Officer 2 Wendell Villanueva, ang tigpamaba sa Cebu City Fire Station diin gibutyag niini ang ilang lakang sa panahon karon sa kapaskuhan.
Kini nga inisyatiba naghiusa sa nagkalain-laing ahensya ug stakeholders, sa tumong nga makab-ot ang zero firecracker-related injuries sa Syudad, hilabi na sa dakbayan sa Sugbo.
Gipahimangnoan usab sa opisyal ang katawhan nga likayan ang pagpalit ug paggamit sa substandard nga Christmas Lights kung wala kiniy PS Quality o ICC Sticker nga usa sa mga hinungdan sa short circuit nga makamugna ug sunog.
