TAGBILARAN, BOHOL-Gipangpisat sa usa ka Road Roller ang mga bora-bora nga mga tambutso o improvised mufflers sa kapulisan sa Tagbilaran City Police Station niadtong adlaw sa Biyernes, Disyembre 6, 2024.
Muabot sa 276 ka mga bora-bora nga tambutso ang gipangpisat aron dili na magamit isip pagpatuman sa Oplan LIMPYO Tagbilaran sa mga checkpoints operations sa dakbayan sulod sa lima ka buwan sa mga dili awtorisado nga mga aftermarket parts sa behikulo aron sa pagsulbad sa problema sa noise pollution.
Personal kining gitamboanga ni Tagbilaran City Mayor Jane Yap ug sa hepe sa kapulisan sa Tagbilaran Police Lt. Col. John Kareen Escober uban sa laing mga opisyales sa dakbayan.
Gidayig ni Mayor Yap ang maong kalamboan sa kapulisan sa dakbayan sa Tagbilaran aron sa pagpatuman sa balaod nga magpabilin nga hapsay ug malinawon ang dakbayan ilang dakbayan.
Ang ceremonial destruction kabahin kini sa pagpalapad sa ilang kampanya paghatag og disiplina sa mga motorista.
