SYRIA-Misteryoso karon ang nahimutangan sa presidente sa Syria nga Bashar al-Assad human gisakop sa mga rebeldeng pwersa ang Damascus nga giingong maoy kataposan sa paglingkod ni Assad.
Basi sa taho sa Syrian Observatory for Human Rights, usa ka eroplano nga gisakyan ni Assad ang mibiya sa Syria.
Una kining mibiya sa Damascs International airport sa wala pa ang pag-atras sa mga pwersa sa seguridad sa kasundalohan gikan sa pasilidad.
Miabot na sa Sharjah, United Arab Emirates ang Cham Wings Airlines Airbus A320 nga pasaheroang eroplano nga giingong gisakyan ni Assad.
Mihimakak usab ang diplomatic adviser sa presidente nga si Assad nga anaa kini sa United Arab Emirates.
Ug sumala sa duha ka Senior Syrian army officers, dili nila matino ang pagbiya ni Assad.
Ug giisip kini sa Islamist nga grupo nga Hayat Tahrir al-Sham (HTS) nga usa ka dakong kadaugan sa ilang pakigbisog.
Subay niini, andam makigtambayayong si Prime Minister Mohammed al-Jalali sa bisan kinsa nga mahimong bag-ong lider sa iyang mga katagilungsod.
