CENTRAL VISAYAS-Mipadayag ang Visayas Command (VISCOM) sa ilang dili matarug nga pasalig sa pagpalambo sa kalinaw ug kalamboan sa Kabisay-an sa pag-abiabi sa paglusad sa duha (2) ka proyekto ubos sa Payapa at Masaganang Pamayanan o PAMANA program sa Eastern Samar.
Kini ang gipasiugda atol sa groundbreaking ceremony sa Maslog-Jipapad Road ug sa Panic-an Bridge projects sa Brgy Poblacion, Maslog sa Eastern Samar.
Diin mitambong sa okasyon sila si Sec Carlito G. Galvez Jr., ang Presidential Adviser on Peace, Reconciliation and Unity (PAPRU) ug Hon. Marcelino C. Libanan, 4Ps Partylist Representative, kinsa susamang nagpasiugda sa lig-on nga determinasyon sa gobyerno nga magdala og makita nga pag-uswag sa mga huyang nga lugar sa rehiyon.
Anaa usab ang presenya ni Lieutenant General Fernando M Reyeg PA, ang Commander sa VISCOM, diin nihatag usab og gibug-aton sa ilang aktibong papel sa pagtukod sa kalinaw ug pagpalambo sa komunidad samtang iyang gidayeg ang kamahinungdanon sa programa sa PAMANA, ang pagtukod sa Maslog-Jipapad Road ug ang Panic-an Bridge nga nagsimbolo sa labaw pa sa pag-uswag sa imprastraktura; kini nagrepresentar sa paglaum, panaghiusa, ug sa walay paglubad nga determinasyon sa gobyerno sa pagdala sa inklusibo nga pagtubo sa Eastern Samar ug lig-on nga nagbarug sa ilang pasalig sa pagsiguro nga kini nga mga proyekto maghatag og dalan alang sa malungtarong kalinaw ug kauswagan sa mga komunidad.
Natukod niadtong 2011, ang programa sa PAMANA nga nagpabiling sentro sa mga paningkamot sa kalinaw sa gobyerno, nga nakabenepisyo sa mga lugar sa Kabisay-an, sama sa Isla sa Negros ug Iloilo, pinaagi sa imprastraktura, mga reporma sa palisiya, ug mga proyektong socio-economic.
