Nagpasalamat si Mary Jane Veloso kang Presidente Ferdinand Marcos Jr ug Indonesian Prabowo Subianto ug sa tanang mitabang kaniya sa pagpauli sa Pilipinas human sa 14 ka tuig nga pagkapriso sa Indonesia.
Gani, gabii niabot si Veloso sa Soekarno-Hatta International Airport ug gipaambit niini nga sa dihang makatungtong kini sa Pilipinas kay una niyang buhaton ang mosimba.
Kauban niining misakay sa eroplano kay ang pipila ka mga opisyal sa Department of Foreign Affairs (DFA) nga gipangulohan ni Undersecretary Eduardo de Vega.
Ug sa pag-abot sa Pilipinas karong adlawa, ipadala dayon siya sa Correctional Institution for Women sa dakbayan sa Mandaluyong alang sa lima ka adlaw nga quarantine.
Kahinumduman nga nag-atubang og silot kamatayon ang 39-anyos nga si Veloso human kini nakuhaan og 2.6 kilos nga heroin sa Indonesia niadtong 2010.
Ug niadtong 2015, temporaryong gikanselar ni Presidente Joko Widodo sa Indonesia ang iyang gikatakda nga pagpatay.
Hangtud ning milabay nga buwan, nagkasabot ang duha ka nasud tali sa Pilipinas ug Jakarta nga ibalhin sa nasod si Veloso.
