-- ADVERTISEMENT --
CARMEN, CEBU-Naangol ang duha ka menor de edad human namusil ang usa ka lalaki nga giingong napildi sa palangasay sa bora-bora o modified nga tambutso niadtong kadlawn sa adlaw sa Pasko.
Nahitabo ang insidente sa Sitio Kanangkaan, Barangay Corte, Lungsod sa Carmen, Cebu, alas 12:30 sa kadlawn, Disyembre 25, 2024.
Basi sa inisyal nga imbistigasyon nga nanan-aw ang duha ka menor de edad sa contest sa palangasay sa bora-bora atol sa pagsugat sa Pasko sa dihang napildi ang suspek nga si Hotch Ben Valenzuela Ybañez ngadto sa iyang kaatbang nga si Danny Toquero.
Wala nadawat ni Ybañez ang kapildihan hinungdan sa iyang kalagot kay nakahimo kini sa pagpalanog sa armas.
Ingon man nga miresulta kini sa pagkaigo sa duha nga menor de edad.
-- ADVERTISEMENT --
