CEBU CITY-Nanghinaot si Cebu City Mayor Raymond Alvin Garcia nga malamdagan ang konso sa dakbayan sa Sugbo ug aprobahan ang resolusyon nga naghangyo sa Commission on Elections (COMELEC) nga tugotan ang exemption o ang pagpagawas sa pundo alang sa social services.
Kini human nga wala gi-defer sa konseho sa miagi nga session ang resolusyon alang sa maong katuyoan.
Matud ni Garcia nga kinahanglan kini nga aprobahan nga hangyo tungod kay kinahanglan usab nila tubagon ang kapin sa 90,000 ka mga senior citizens nga dili mahatagan og financial assistance.
Labing maayo nga mapasar kini sa konseho sa sesyon karong Miyerkules o kaha sa dili pa ang deadline karong Pebrero 11.
Gani, nakasabot ang opisyal sa pagdili sa pagpagawas og “public funds” alang sa social services ug mga proyekto kalabot sa housing program subay sa Omnibus Election Code alang sa Mayo 12, 2025 apan, tungod kay dako kini nga makaapekto sa mga senior citizens ug PWD ug uban pang hinabang hinungdan nga nanghinaot kini nga mahatagan og exemption sa Comelec ang iyang hangyo.
