MANDAUE CITY- Miisyu og usa ka Temporary Restraining Order (TRO) ang Supreme Court (SC) nga nagmando sa Commission on Elections (COMELEC) sa pag-implementarniini og resolution sa pagkanselar sa kandidatura ni Dismissed Mandaue City Mayor Jonas Cortes sa umaabot 2025 National and Local Elections.
Ang TRO nagpugong sa Comelec sa pagtangtang sa pangalan ni Cortes sa Official List of Candidate sa pagka-mayor sa dakbayan sa Mandaue sa wala pa ang resumption sa printing sa mga balota sa umaabot Enero 22.
Mimando usab ang Korte Suprema sa Comelec ug sa complainant nga si Ervin Estandarte sa pagsumiter sa ilang komento kabahin sa petition ni Cortes sa dili mulapas og 15-ka adlaw atol sa pagdawat niini.
Sa eksklusibong pakighinabi sa Bombo Newsteam kang Atty. Jamaal James Calipayan, ang Mandaue City Administrator ug usa sa mga legal counsel ni Cortes nga tataw pa dakong kalipay ang ilang nabati sa ilang kampo kabahin sa paborable desisyon sa Korte Suprema sa hingpit nga pagbalik sa kandidatura sa kanhi mayor.
Kahinumduman, nga si Cortes nag-atubang sa mga hagit sa balaod niadtong Oktubre 4 sa diha nag-file kini sa kandidatura pagka-mayor sa dakbayan sa Manduae bisan paman sa desisyon sa Ombudsman sa pagkasuspenso niini inay pagkataktak sa gahum og sa posibilidad nga ma-perpetually disqualified sa paghupot og posisyon sa gobyerno.
