Niluwat ang Korte Suprema (SC) og bag-ong kamandoan nga temporaryong ihunong ang disqualification sa pipila ka lokal nga kandidato.
Basi sa gipagawas nga temporary restraining order (TRO), gibabagan sa korte ang Commission on Elections (Comelec) sama nalang sa hingpit nga pagkanselar sa kandidatura ni Francis Leo Marcos, kinsa modagan pagka senador.
Kahinumduman nga siya na ang labing unang nuisance candidate sa 2025 national ug local elections.
Gawas kang Marcos, gitugot usab ang TRO request ni Noel Rosal sa probinsiya sa Albay, diin siya modagan pagka gobernador.
Tungod niini, ang mga pangan sa nahisgutang mga kandidato giapil na karon sa mga balota nga gi-imprenta sa buhatan sa COMELEC.
Una niini, nahatagan na usab sa gipangayo nga TRO ang ubang mga kandidato nga modagan sa ubay-ubay pang mga posisyon gikan sa nasyonal hangtod sa lokal nga lebel.
Gipaabot nga daghan pang mga isyu ang mapasaka sa korte gikan sa mga siyudad ug probinsiya ilabi na nga 18,271 ka mga posisyon ang gitigian sa umaabot nga piniliay.
