Gibuhian sa Israel gahapon Enero 25 ang 200 ka Palestinian nga mga piniriso baylo sa pagpagawas sa upat ka Israeli nga mga bihag sa Hamas subay sa Gaza ceasefire ug hostage deal.
Basi sa pahayag nga human sa pagtapos sa mga kinahanglanon nga mga kalihokan sa mga prisohan ug ang pag-uyon sa mga awtoridad sa politika, ang tanan nga mga terorista gipagawas gikan sa mga prisohan sa Ofer ug Ktziot.
Hinungdan nga napuno sa kalipay ang panon sa mga Palestinian samtang ang gipagawas nga mga piniriso nakaabot na sa Ramalla, sumala sa taho.
Sa sinugdan, gibuhian sa Israel ang 70 ka mga gihuptan nga Palestinian sa Egypt gikan sa 200 nga kinahanglan nga buhian.
Kini human gipagawas sa Hamas ang upat ka mga hostage sa Israel, nga giila nga sila Karina Ariev, Daniella Gilboa, Naama Levy ug Liri Albag.
Ang 200 ka mga piniriso sa Palestinian naglakip sa dugay nang nagserbisyo nga mga piniriso ug uban pa nga adunay taas nga mga sentensiya.
Matud ni Mohammed al-Tous nga gawas sa 200 ka mga piniriso kay gibuhian usab sa Israel ang usa ka piniriso nga Palestinian nga naggugol sa labing taas nga panahon sa detensyon sa Israel.
Samtang ang upat ka mga hostage nagtagbo na usab sa ilang mga ginikanan sa usa ka pasilidad sa IDF duol sa Re’im.
