CARMEN, BOHOL- Gipusil-patay ang usa ka miyembro sa Philippine Army sa kaubang sundalo niini sa lungsod sa Carmen sa lalawigan sa Bohol niadtong Enero 26, 2025.
Matod pa sa kapulisan sa maong lungsod, nga sakop sa 47th Infantry Batallion sa Philippine Army ang suspek og biktima, kung diin dinhiusab nahitabo ang krimen sa dihang nag drinking session sila.
Dugang pa, nga sa kataas sa pag-imnanay sa biktima ug suspek sa ilimnong makahubog kay ang duha nagkabikil nga miresulta sa paghulbot sa pusil, nga nahimong hinungdan sa daling kamatayon sa biktima.
Sa pagkakaron, wala pa gipagawas ang pangalan sa suspek og biktima tungod sa ka-sensitibo sa maong panghitabo.
Samtang, padayon pa nga gilusad sa kapulisan ang imbestigasyon ingun man sa pamunuan sa armadong kusog.
Ang sakop usab sa Scene of the Crime Operatives (SOCO) nagpahigayon sa ilahang imbestigasyon kung unsay hinungdan sa panagbikil sa duha nga nakapa-aghat sa nahitabong pagpamusil.
Ning kasamtangan, pabiling tak-om ang Philippine Army kalabot sa maong insidente.
