Gi-adjourn ang session sa Senado nga wala mahisguti ang Articles of Impeachment batok kang Bise Presidente Sara Duterte.
Kini human nga gisuspenso ni Senador Joel Villanueva ang senate session ug mobalik kini sa Hunyo 2, 2025.
Tungod kay walay nisupak hinungdan nga gi-adjourn kini ni Senate President Chiz Escudero.
Apan, si Senate Minority Leader Koko Pimentel niingon nga ang angay nga mahitabo kay ang pagtaho nga nadawat na sa Senado ang articles of impeachment ug tungod wala kini nahimo, posible nga ipahigayon nalang kini sa pagbalik sa session karon Hunyo 2, 2025.
Samtang, andam si Senador Villanueva nga motuman sa iyang katungdanan koung mapasaka sa taas nga balay ang impeachment complaint batok kang Bise Presidente Sara Duterte.
Matod ni Villanueva, kabahin sa ilang gipanumpaan nga katungdanan mao ang pagpangandam sa pagbarog isip impeachment judge.
Sa pagkakaron, si Villanueva dili gustong magpaabot kon unsay mahitabo sa impeachment complaint batok ni VP Sara.
Nagdumili usab siya sa pagkomento bahin sa maong butang sanglit usa siya sa mga huwes nga mobarog sa higayon nga maabot sa Senado ang reklamo.
