Patay ang upat ka mga indibidwal human mahagsa ang usa ka pribadong eroplano nga adunay Body No. N349CA sa Brgy. Malatimon, Ampatuan, Maguindanao del Sur kahapong adlawa, Pebrero, 6 tuig 2025.
Sa inisyal nga impormasyon gikan sa mga otoridad upat ang sakay sa pribado nga eroplano lakip na ang piloto niini.
Gikataho nga walay usa nga naluwas sa mga pasahero ug wala pa mailhi ang mga pagkatawo niini.
Matod pa sa Ampatuan PNP, duha sa mga biktima mga langyaw nga wala pa mailhi ang mga ngalan.
Samtang, usa ka kabaw ang naangol sa usa ka eroplano nga mitugpa ug naputol ang baba niini.
Sa pagkakaron, gisusi pa kung unsay hinungdan sa pagkahagsa sa eroplano ug diin kini gikan ug asa kini padulong.
Nagpadayon usab ang retrieval operation aron makuha ang tanang bahin sa eroplano.
