-- ADVERTISEMENT --

Gikondenar sa China ang giluwatang pamahayag sa U.S ug Japan nga naglangkob sa pagsaway sa ‘provocative activities’ sa Beijing sa gikaaway nga West Philippine Sea (WPS).

Diin gitawag sa China og pag-atake ug pagsabwag sa bakak nga impormasyon.

Ang pahayag sa China gi-isyu human sa miting tali sa Presidente sa US nga si Donald Trump ug ni Japanese Prime Minister Shigeru Ishiba Japanese Prime Minister Shigeru Ishiba sa Washington niadtong Biyernes, kinsa nagpahayag sa pagsupak sa ‘unlawful maritime claims, militarization sa reclaimed features, at threatening ug provocative activities sa WPS.

Agi’g tubag, ang tigpamaba sa Chinese Foreign Ministry nga si Guo Jiakun miingon nga ang mga pahayag sa US ug Japan kay usa ka pagpanghilabot sa internal nga mga kalihokan sa China, ug gipasiugda nga ang ilang mga pahayag gituyo aron sa pagpadako sa tensyon sa rehiyon.

Gidugang pa nga ang China nagpahigayon og “solemne nga representasyon” sa duha ka nasud.

-- ADVERTISEMENT --

Kahinumdoman nga dugay nang giangkon sa China ang halos kompletong soberanya sa WPS, usa ka pag-angkon sa teritoryo nga maoy hinungdan sa panagsumpaki sa pag-angkon sa teritoryo sa pipila ka nasod sa Southeast Asia sama sa Malaysia, Vietnam, Indonesia, Brunei, ug Pilipinas.

Bisan pa sa usa ka internasyonal nga desisyon sa 2016 nga nag-ingon nga ang mga pag-angkon sa China walay ligal nga basehan.

Bag-ohay lang nga gipakusog sa Beijing ang mga lakang niini sa rehiyon, nga nagdala sa dugang nga pagsusi sa internasyonal ug nanawagan alang sa pag-us-os sa rehiyon.