METRO CEBU-Nasikop sa buhatan sa City Drug Enforcement Unit sa Cebu City Police Office diin gipanguluhan ni PMAJ EFREN DELA CRUZ DIAZ JR ang duha ka mga lalaki atol sa gipahigayon nga buy-bust operation sa Brgy. Mambaling.
Basi sa imbestigasyon, nga lakip sa high value drug individual ang duha ka mga dinakpan nga gipang-alyasan og “POGI” ug “C-JING.”
Nasakmit gikan sa ilang possession ang nagkadaiyang pakete sa gituohang shabu nga mokabat sa P4,930,000 nga adunay 725 gramos ang timbang.
Kasamtangang anaa sa kustodiya sa CCPO ang mga suspetsado ug nag-atubang sa kasong pagpamaligya ug paghupot sa ginadiling drogas ubos sa violations of Secs. 5 and 11 Art. 2 of R.A. 9165 o Comprehensive Dangerous Drugs Act of 2002.
Samtang nasikop usab sa gipahigayon nga buy bust operation sa City Intelligence Unit ug City Drug Enforcement Unit sa Mandaue City Police Office ang usa ka high value individual diin nasakmit sa iyang posesyon ang dul-an sa 6.8 milyones ka pesos nga balor sa gidudahang shabu sa Brgy. Subangdaku, Dakbayan sa Mandaue gahapon, Pebrero 11, 2025.
Ang dinakpan nailhan sa alyas nga si “Bjang”, 23-anyos, taga Sitio Susco, Brgy. Guadalupe, Dakbayan sa Sugbo.
Nakuha sa posesyon sa suspek ang dinagko nga pakete sa gidudahang shabu nga motimbang ug halos 1 kilo ug gibana banang mobalor ug 6.8 milyones ka pesos. | Bombo Rexmond Omega
