LILOAN-CEBU- Nasikop sa kapulisan sa Liloan ang usa ka katabang sa balay kinsa nangawat og selpon sa iyahang amo nga nagkantidad og P65K, sa Newton St., Eastland Estate 2, Purok Eastland, Brgy. Yati, Liloan, Cebu, gahaponPebrero 16, 2025.
Base sa imbestigasyon, usa ka cellphone nga mubalor og P65,000.00 ang nawala niadtong Pebrero 15, 2025, mga alas 2:00 sa hapon.
Bisan pa sa mga paningkamot sa pagpangita sa butang, kini nagpabilin nga wala makit-i.
Hinungdan, nga ang tag-iya sa ulahi nangayo og tabang sa katabang sa balay alang sa pagpangita sa nawala nga butang.
Apan nitumaw ang pagduda dihang nadiskubrehan sa asawa sa tag-iya ang cellphone nga gitagoan sulod sa sekretong bulsa sa bag sa bagahe sa katabang sa balay.
Hinungdan, nga ang tag-iya nitaho sa hitabo ngadto sa tanod sa barangay nga nisangpot sa pagkasikop sa suspek.
Ang suspek daling gidala sa Liloan Municipal Police Station alang sa tukmang disposasyon.
Ning kasamtangan, giimbestigahan na karon ang kaso, ug giandam na ang tukmang kaso sa Qualified Theft alang sa pagpasaka niini.
