Wala mabaliwala sa mga netizen ang mga tsismis kalabot sa giingong kagubot nga nahitabo sa after party sa sikat nga ball nga gipahigayon sa Sjybar sa usa ka sikat nga resort sa Quezon City niadtong Biyernes sa gabii, Abril 4, 2025.
Matud pa sa mga insider nga sila si Daniel Padilla ug Kyle Echarri ang nalambigit sa panaglalis tungod kay nagselos si Daniel kang Kyle gumikan matud pa nga dili kini komportable sa pag-gunit sa iyang ex-girlfriend nga si Kathryn Bernardo.
Basi sa mga gipagawas nga video gikan sa mga saksi, nagkauban sila si Kathryn ug Kyle sa after party nga adunay temang ‘Brighter Together’ diin nakita nga nag-holding hands ang duha samtang naglakaw.
Kauban sa duha ang mga kaubang aktres ug aktor nga sila si Dolly de Leon, Donny Pangilinan, ug Belle Mariano.
Matod sa mga taho, naapil usab sa kagubot ang ubang mga celebrity, lakip ang singer ug kaubang aktor ug ang higala ni Kyle nga si JK Labajo ug ang kauban ni Daniel sa usa ka salida nga si Richard Gutierrez.
Sa pagkakaron, wala pa mahibaw-i kung tinuod ba ang mga hungihong ug ang nahisgutang mga karakter gumikan kasamtangang tak-om pa sa ilang mga baba sa kontrobersiya.
Samtang ang mga non-celebrities lang nga nakasaksi sa insidente ang nagpaambit sa mga detalyado nga istorya bahin sa ilang nakita, kini ang karon nga mainit nga gihisgutan online.
