Gikoronahan isip Miss Eco International 2025 ang pambato sa Pilipinas nga si Alexie Brooks diin gihapon sa Egypt.
Diin ang first runner up mao ang pambato sa Indonesia, gisundan sa Ukraine, ikatulo ang USA, ug ang ika-upat mao ang United Kingdom.
Sa final round sa Q and A, wala gihapon pakyasa ni Alexie ang mga Pilipinas tungod kay miahatag usab kini og quality ug dili mayano nga tubag kabahin sa mother earth.
Ingon man nga gawas sa titulo nga Miss Eco international kay nalangkat usab niini ang Best National Costume human girampa ang Mangayon National Costume.
Ang Philippine eagle-inspired ni Alexie Brooks kay gigama sa Ilonggo designer nga si Tata Blas Pinuela alang sa Miss Eco International 2025 finals nga gipahigayon sa Egypt.
Diin nagsimbolo sa kalig-on, ug dili matarug nga espiritu sa kagawasan sa mga Pilipino.
Gipahinungod sa Ilongga beauty queen ang iyang kadaugan sa iyang mitaliwan nga lola, si Lola Basing.
Sa social media, gipaambit ni Alexie ang litrato sa iyang lola samtang naa sa screen sa TV ang iyang korona. “Lola! I made it,” matod niya sa caption.
Namatay si Lola Basing niadtong September 2024. Suod si Alexie sa iyang lola nga nag-atiman kaniya samtang ang iyang inahan nagtrabaho isip OFW sa Lebanon. Bag-o lang usab siya nagsulat og mensahe alang sa adlawng natawhan sa iyang lola kaniadtong Abril 16.
