Nagpaabot og pahasubo ang mga world leaders alang sa pagkamatay sa lider sa Simbahang Katoliko nga si Pope Francis gahapon Abril 21, sa edad nga 88.
Kini human ang Iyang Eminence Cardinal Kevin Farrell, Camerlengo sa Apostolic Chamber, mikompirmar sa pagtaliwan sa Santo Papa sa iyang pinuy-anan sa Casa Santa Marta sa Vatican.
Lakip sa mihatag og pasidungog ngadto sa Santo Papa mao ang pipila ka mga lider sa kalibutan sama ni French President Emmanuel Macron, kinsa mitawag sa Santo Papa nga usa ka “man of humility” samtang ang Dutch Prime Minister Dick Schoof mihulagway sa Santo Papa isip usa ka role model alang sa mga Katoliko nga magtutuo ug dili Katoliko.
Gihulagway ni European Parliament President Roberta Metsola si Pope Francis sa iyang makatakod nga pahiyom nga nakabihag sa kasingkasing sa milyon-milyong mga tawo sa tibuok kalibutan.
Ang Presidente sa Israel nga si Isaac Herzog midayeg usab sa walay katapusan nga kalooy sa Santo Papa.
Ingon man ang Presidente sa Switzerland nga si Karin Keller-Sutter mihulagway kang Pope Francis nga usa ka “maayong espirituhanong leader ug walay puas nga tigpasiugda alang sa kalinaw.
Ang pagkamatay ni Pope Francis nahitabo usa ka adlaw pagkahuman sa iyang pagpakita sa publiko sa St. Peter’s Square niadtong Domingo sa Pagkabanhaw.
Ug si Pope Francis kay mao usab ang unang Santo Papa sulod sa kapin sa usa ka siglo nga ilubong gawas sa Vatican.
Gumikan ilubong kini sa Basilica of St. Mary Major, usa sa upat ka dagkong papal basilica sa Roma.
