Nanawagan si Pope Leo XIV sa Simbahang Romano Katoliko nga usbon ang paagi sa pagtabang niini sa mga pamilya ug pagdumala sa mga napakyas nga kaminyoon samtang gibuksan niya ang usa ka semana nga relihiyosong asembliya.
Samtang ang simbahan nagdebate kon giunsa niini pag-ila ang mga panagbulag, wala direkta nga gihisgutan ni Leo ang divorce apan nanawagan kini sa mga lider sa Katoliko nga pamalandongan ang “kasinatian sa kahuyang” ug ang pagdumala sa “mga sitwasyon nga gimarkahan sa mga limitasyon, mga samad, ug dayag nga mga kapakyasan.”
Kahinomdoman nga ang gisundan ni Leo, si Francis, kinsa namatay niadtong 2025, mihimo og usa ka temporaryo nga lakang niadtong 2016 alang sa mga Katoliko nga nag-divorce ug nagminyo pag-usab sa mga civil ceremonies aron makadawat og Communion.
Kini nakapukaw sa usa ka debate sa tibuok Simbahan ug pagsupak gikan sa mga konserbatibong Katoliko.
