Gipangunahan ni Filipino Cardinal Luis Antonio Tagle ang ikaupat nga pag-recite sa rosaryo isip paghinumdom ni Pope Francis.
Gipahigayon kini karong Huwebes sa gabii (oras sa Roma) sa Basilica of Saint Mary Major sa Roma.
Nasayran nga lakip si Cardinal Tagle sa giisip nga suod ni Pope Francis.
Usa usab siya sa mga hataas nga opisyal sa Vatican, isip pro-prefect sa Dicastery for Evangelization sa Vatican.
Ang pag-ampo kabahin sa serye sa mga pag-ampo nga gihimo sa nagkalain-laing simbahan sa Roma isip pagpangandam sa lubong sa Katolikong lider.
Si Tagle ang giduso sa uban nga mahimong sunod nga papa.
Ania ang mga ngalan na possibiling mopuli sa maong posisyon:
Cardinal Luis Antonio Tagle (Philippines) – Nailhan nga “Asian Francis,” si Cardinal Tagle adunay lawom nga kasinatian sa pastoral ug suod nga panglantaw sa mga isyu sa katilingban ug paglalin ngadto sa nitaliwan nga Santo Papa.
Cardinal Jean-Marc Aveline (France) – Arsobispo sa Marseille, naila sa iyang mga repormistang panglantaw ug gitawag nga “John XXIV” tungod sa iyang pagkaparehas kang Papa Juan XXIII
Cardinal Peter Erdo (Hungary) – Usa ka kandidato sa pagkompromiso gikan sa konserbatibo nga kampo apan adunay daghang koneksyon sa progresibong kalibutan ni Pope Francis.
Cardinal Mario Grech (Malta) – Secretary General sa Sinodo sa mga Obispo, nagdala sa mga reporma ni Pope Francis sa Simbahan.
Cardinal Juan Jose Omella (Espanya) – Arsobispo sa Barcelona, nailhan sa iyang mapaubsanon nga pagkinabuhi ug pagpasiugda sa hustisya sa katilingban.
