CEBU CITY- Nipahigayon og sunod-sunod nga inspeksyon ug Simulation Exercises ang Cebu Provincial Police Office gipangulohan ni Acting Provincial Director, PCOL Jovito Atanacio, kagahapong adlawa, Sabado, Abril 26, 2025.
Ang sunodsunod nga inspeksyon ug Simulation Exercises gihimo sa mga nagkadaiyang Police Station sama sa Ronda, Dumanjug, Barili, Aloguinsan, ug Pinamungajan Municipal Police Stations, ingon man sa 2nd Provincial Mobile Force Company (PMFC).
Giingong kini nga inisyatiba ug kalihokan kabahin sa pasalig sa pagsiguro sa operational excellence, pagpausbaw sa police visibility, ug pagpalig-on sa kaandam sa atong mga personel sa pagtubag sa epektibong paagi sa bisan unsang sitwasyon.
Dugang niana, pinaagi usab sa hands-on leadership ug proactive field activities, ang Cebu Police Provincial Office padayon nga nagbarog sa ilang mandato sa pag-alagad ug pagpanalipod, pagtukod og mas luwas ug mas lig-on nga komunidad sa matag Sugbuanon.
Uban sa usa ka Judicious, Motivated, ug Adaptable nga puwersa sa kapulisan, nagpadayon sa pag-abante padulong ug alang sa mas luwas, mas maayong Probinsiya sa Sugbo. (BOMBO IRENE ARDIENTE)
