Gipaambit ni Haring Charles III ang iyang kasinatian sa pakigbisog sa kanser, nag-ingon nga daghan siya og nakat-onan sa sakit nga iyang giatubang.
Sa gipadala nga mensahe sa usa ka panagtapok sa mga grupo sa pagsuporta sa cancer, siya miingon nga ang iyang kasinatian nagpakita sa labing maayo nga aspeto sa katawhan.
Gipahibalo sa Buckingham Palace kaniadtong Pebrero 2024 nga si King Charles adunay kanser, nga nadiskubrehan human sa pamaagi sa prostate.
Bisan kung wala gibutyag ang klase sa kanser, ang Palasyo miingon kaniadtong Disyembre sa miaging tuig nga maayo ang pagtubag sa Hari sa iyang pagtambal.
Kahinumduman nga mipatim-aw sa publiko si King Charles sa miaging tuig.
Subay niini, nagpadayag kini sa iyang pasalamat sa mga organisasyon ug indibidwal nga mihatag og suporta, pag-atiman, ug paglaum sa mga pasyente sa kanser.
Gihisgotan usab ni King Charles nga bisan pa sa kahadlok ug kalisdanan nga gipahinabo sa sakit, nakita usab niya ang dakong kabalaka ug kaayo sa mga tawo.
