BOHOL-Patay ang duha ka mga mananagat human kini gikatahong nabangaan sa laing motorbanca sa kadagatan sa Barangay Malingin sa lungsod sa Bien Unido sa lalawigan sa Bohol sayong buntag niadtong adlaw sa Biyernes, Mayo 2, 2025.
Giila ang mga biktimang nakabsan sa kinabuhi nga sila Rene Awas Reyes ug si Bjay Manayon, pulos hingkod ang panuigon og lumulupyo sa Purok 5 sa Barangay Malingin, Bien Unido.
Matod pa nga nareport na sa mga kapulisan ang maong aksidente sa lawd alas 9 sa buntag o sobra 3 ka oras human sa pangitabo.
Sa imbestigasyon sa Bien Unido Municipal Police nga matod pa kay nanagat ang mga biktima pinaagi sa pagpamukot nga sakay sa ilang pump boat dayon kalit kining gibangaan sa laing motorbanca.
Tungod sa kakusog sa maong pagkabangga kay mibuga kini sa mang pump boat sa biktima nga pulos nangalagpot sa lawd.
Sa maong retrieval operation sa mga biktima, unang nasalbar si Rene diin namatyagan nawad-an kini og pikas mata nunot sa insidente samtang si Bjay kay milanat pa og pipila ka oras usa ka-rekober diin namatyagan na kini patay nga nahiwa ang ulo.
Patay nang na-rescue si Bjay samtang dead-on-arrival sa pagdala sa duol nga tambalanan si Rene tungod sa mga samad nga nahiaguman.
Padayon pa nga gilusad ang imbestigasyon sa maong panghitabo diin sa inisyal nga kasayuran kay giingong sa silingan dapit sa Barangay Pitogo sa lungsod sa Pres. Carlos P. Garcia ang nakabangga niini.
Samtang sa pikas bahin, mitanyag su Bohol Provincial Governor Erico Aris Aumentado sa publiko og kantidad nga P200,000 sa mikinsa ang makahatag og impormasyon kabahin sa insidente sa kadagatan sa Bien Unido.
