Ang mga kardinal sa Simbahang Katoliko nagpahigayon sa ilang ikasiyam sa sunod-sunod nga mga panagtagbo (meeting) sa Vatican kaniadtong Sabado,Mayo 3 sa wala pa ang pagpili sa usa ka bag-ong Santo Papa.
Gitugotan sila sa closed-door “general congregations” nga hisgutanan nga mga hagit nga atubangon sa musunod ni Pope Francis sa wala pa sila ma-lock ang Sistine Chapel sa umaabot Papal Conclave.
Matod pa nga sila mismong mga cardinal kay wala usab kasayuran kung pipila ka adlaw o semana mulangtod ang conclave.
Ang mga kardinal gitawag sa Roma gikan sa tibuok kalibutan human sa kamatayon ni Pope Francis niadtong Abril 21 nga giila isip usa ka abtik nga repormador gikan sa Argentina nga nangulo sa Simbahang Katoliko sulod sa 12 ka tuig.
Sumala sa direktor sa press sa Vatican nga si Matteo Bruni, 177 ka mga kardinal, lakip ang 127 nga nag-edad ubos sa 80-anyos ug busa kwalipikado nga mobotar sa conclave, ang mitambong sa miting pag Sabado.
Diin, 133 ka mga cardinal electors ang mosulod sa Sistine Chapel ug dili mobiya hangtod nga sila sa pagkahuman sa sunod-sunod nga secret ballot kay gihatagan ang two-thirds nga majority votes aron sa hingpit nga mahimong sunod nga Santo Papa.
