Gisusi ni National Food Authority (NFA) Administrator Larry Lacson ang dugang 35,000 ka mga sako sa NFA rice nga miabot sa Sugbo gikan sa Rehiyon 4A – Occidental Mindoro.
Gipasabot ni Lacson nga ang NFA rice gikan sa Occidental Mindoro kay ipailawom kini sa quality inspection ug laboratory test aron masiguro ang kaluwasan ug kalidad sa dili pa kini i-distribute ngadto sa mga Local Government Units, provincial ug city jails ug sa uban pang mga ahensya sa gobiyerno.
Nasayran nga gawas sa 35,000 mil ka mga sako sa bugas nga miabot sa Sugbo gikan sa Occidental Mindoro, diin 130 ka mga sakong bugas niini ang gikarga sa usa ka trak ug gihatod sa lungsod sa Catmon, Cebu gahapong adlawa.
Gawas sa lungsod sa Catmon kay nakadawat usab ang ubang lungsod sama sa San Fernando, Pinamungahan, Medellin, Tabogon, ug Talisay City alang sa ilang rice allocation.
Giklaro usab ni Lacson nga dili magpareha ang kalidad sa mga bugas-humay sanglit naggikan kini sa nagkadaiyang mga rehiyon ug lain-laing variety hinungdan nga ipaubos kini sa laboratory testing ug regular nga fumigation aron masiguro nga maayo kini og kalidad, insect-free, ug haom sa konsumo sa tawo.
