Nalakip na usab ang Pilipinas sa listahan sa ’10 ka worst countries’ alang sa mga trabahante, sumala sa 2024 Global Rights Index sa International Trade Union Confederation (ITUC).
Kini ang ikasiyam nga sunod-sunod nga tuig nga nalakip ang Pilipinas sa maong listahan, sumala sa Workers Rights Watch, sama sa Kilusang Mayo Uno, Unyon ng mga Manggagawa sa Agrikultura, National Federation of Sugar Workers, ug Alliance of Concerned Teachers.
Ingon man ang kilusan ng Manggagawang Kababaihan, Confederation for Unity, Recognition and Advancement of Government Employees, Public Services Labor Independent Confederation, Bukluran ng Manggagawang Pilipino (BMP), Migrante Philippines, ug Center for Trade Union and Human Rights.
Gawas sa Pilipinas, ang 10 ka “worst countries” alang sa mga trabahante naglakip usab sa Bangladesh, Belarus, Ecuador, Egypt, Eswatini, Myanmar, Nigeria, Tunisia, ug Turkey.
Basi sa taho nga ang kasagaran nga kanunay nga gilapas sa Pilipinas mao ang pagpahigayon og mga protesta nga adunay 87%, gisundan sa katungod sa collective bargaining—80%, ang katungod sa pagporma o pag-apil sa usa ka unyon—75%, ug ang katungod sa hustisya—72%.
Apan gidepensahan kini ni Labor Secretary Bienvenido Laguesma nga matud niya ang taho wala magtagad sa mga lakang nga gihimo sa kasamtangang administrasyon aron masulbad ang dugay na nga mga isyu.
Diin gihatagan niya og gibug-aton nga kung ang Pilipinas tinuod nga usa sa labing daotan nga mga nasud alang sa mga mamumuo, daw dili kini mapili nga miyembro sa ILO Committee on Freedom of Association sa miaging tuig.
