Nanawagan si Chinese Ambassador Huang Xilian sa Pilipinas ug China nga ipadayon ang dayalogo ug paminawon ang panawagan sa katawhan nga pilion ang kooperasyon kaysa sa panagbangi.
Ang pamahayag ni Huang dungan sa pagsaulog sa ika-50 nga anibersaryo sa diplomatikong relasyon sa duha ka nasod.
Diin ang kalihokan gitambongan ni Presidente Ferdinand Marcos Jr., mga senador, mga lider sa negosyo, ug mga representante sa Filipino-Chinese community.
Apan, ang maong pamahayag naggikan taliwala sa nagpadayong tensyon sa West Philippine Sea (WPS), diin ang China kay makadaghang higayon na nga nakalapas sa exclusive economic zone (EEZ) sa Pilipinas ug wala gihapon moila sa 2016 arbitral ruling pabor niini.
Ubos sa administrasyon ni Marcos Jr., nahimong mas lig-on ug mas klaro ang baruganan sa nasud sa pagdepensa sa soberanya, samtang nagpadayon ang presensiya sa mga barko sa China ug ang paggamit og water cannon batok sa mga mangingisda nga Pilipino.
Gitataw ni Huang nga ang Pilipinas ug China suod nga silingan nga dili mabulag, hinungdan nga nanghinaot ang China nga mas daghang Pilipino ang magtinabangay China, nanawagan og dialogo taliwala sa WPS disputearon mapalambo ang relasyon sa duha ka nasud.
Samtang, gikuwestiyon ni Defense Secretary Gilberto Teodoro Jr. ang sinseridad sa China sa isyu sa dayalogo, nunot sa militarisasyon niini sa mga gilalisan nga teritoryo.
