Gitun-an karon sa Department of Agriculture ang pagbaligya sa P20-per-kilo nga bugas sa daghang mga lugar sa nasud.
Kabahin kini sa lakang sa ahensya nga makabaligya og baratong bugas sa mas daghang lugar sa Pilipinas.
Basi sa datus sa DA, aduna nay halos 80 ka KADIWA o Spirit and Action Partners for Abundant Harvest and High Income Centers ang namaligya og bugas sa tag P20 matag kilo.
Diin nakatukod na ang pipila ka mga lugar sa nasud sama sa Cebu ug Bacolod samtang ang ahensya mosunod usab sa Bohol, Camarines Sur, San Juan ug Navotas City sa Metro Manila.
Kini subay sa tumong sa kagamhanan sa pagpaubos sa presyo sa commercial rice sa kamerkadohan nga unang gisaad ni Presidente Ferdinand Marcos Jr.
Target sa ahensya nga ipatuman ang nationwide roll out sa Enero 1, 2026.
Sa pagkakaron, ang P20-per-kilo nga bugas mapalit sa KADIWA Centers ug lokal nga kagamhanan.
