Nanawagan ang Commission on Human Rights (CHR) ngadto sa gobyerno nga mahatagan og dugang nga ligal nga proteksyon ang mga trabahante sa media, aron masiguro ang pagpalig-on sa “press freedom, and civic participation.”
Atol sa ikslusibong pakighinabi sa Bombo Radyo Cebu team kang Atty. Arvin Odron, ang Regional Director sa HR-7, iyahang gikabutyag nga ang gipahawas sa CHR nag-awhag sa gobyerno sa Pilipinas nga lihokon ang panginahanglan sa pagpauswag ug pagpalambo sa Media Workers’ Welfare Bill ug Journalist Protection Bill.
Diin, ang maong proposal gipagwas sa CHR nunot sa pag-awhag ni UN Special Rapporteur on the Promotion and Protection of the Right to Freedom of Opinion and Expression Irene Khan sa gobyerno sa Pilipinas nga aprubahan ang mga internasyunal nga mga tratado sa tawhanong katungod ug ibalik ang nangaging ratipikasyon niini sa Rome Statute of the International Criminal Court.
Tataw ni Atty. Odron, gi-validate kini sa buhatan sa Philippine Commission on Human Right ang mga rekomendasyon, diin nasuta nga gikinahanglan gayud kini kay huyang freedom of expression sa mga media practitioners, gani usab sa kaswal nga indibidwal. | via Bombo Irene Ardiente
