-- ADVERTISEMENT --
Malampuson nga nagkasosyo ang Pilipinas ug Estados Unidos sa pagpalambo sa Subic-Clark-Manila-Batangas (SCMB) Railway sa nasod.
Ang proyekto gilauman nga magsumoay sa tulo ka dagkong pantalan sa Pilipinas.
Gihimo ni Communications Usec. Claire Castro ang maong pahibalo human sa pagpirma sa beneficiary agreement tali sa Department of Transportation (DOTr) ug sa US Trade and Development Agency.
Matod ni Castro, ang SCMB Railway makatabang sa pag-decentralized sa kalihokan sa pantalan ug makunhuran ang paghuot sa mga kargamento niini.
Ang pagpirma sa kasabutan nagtumong sa pagpormal sa proyekto tali sa Pilipinas ug US.
-- ADVERTISEMENT --
Ang mga pagpangandam alang sa proyekto naglangkob sa legal, institusyonal, ug bisan teknikal nga pagplano.
