Nilunsad ang Russia og mga airstrike sa Kyiv, Ukraine.
Matud sa Ukraine military nga usa ka sagol nga mga drone ug missile ang miigo sa mga building ug residential area.
Nahitabo ang pag-atake, usa ka adlaw human nag-istoryahanay ang Presidente sa US nga si Donald Trump ug Presidente sa Russia nga si Vladimir Putin pinaagi sa telepono.
Hinungdan nga daghang mga residente ang misilong una ug gipalabay ang kagabhion sa mga shelters.
Gitawag ni Ukrainian President Volodymyr Zelensky ang pag-atake nga pinakadako nga airstrike sa Russia.
Giinsister usab niini nga ang Presidente sa Russia nga si Vladimir Putin walay intensiyon sa pagtapos sa gubat.
Kahinumduman nga giduso sa US ang usa ka kasabutan sa kalinaw, nga gikataho nga nakigsabot si Trump sa mga lider sa Russia ug Ukraine aron tapuson ang panagbangi.
