MANDAUE CITY,CEBU- Gikatakdang mobutang ang local nga kagamhanan sa Mandaue og temporaryong mga estraktura sa Mandaue City College (MCC) aron matubag ang kakuwang sa mga classroom samtang nagpadayon pa ang plano alang sa bag-ong campus.
Sa inspeksyon ni Mayor Thadeo “Jonkie” Ouano, nasuta nga kulang og pito ka classrooms ang MCC aron ma-accommodate ang kapin 2,200 ka enrollees karong umaabot nga Agosto.
Tungod sa kakulang sa espasyo, uban sa mga estudyante napugos magklase ilawom sa mga tolda.
Kung diin, ang mga canopy ibutang sa parking area isip temporaryong classrooms.
Ang MCC usa sa mga prayoridad sa administrasyong Ouano.
Gipataas usab sa MCC ang admission target gikan sa 450 ngadto sa 700 aron maatiman ang mas daghang estudyante, ilabina kadtong wala makapasar sa entrance exam pero misumiter og aplikasyon.
Giklaro nga ang mga endorsement letters dili garantiya sa admission, kinahanglan moagi gihapon sa proseso sa interview. |With Reports of Bombo Crislee Adlawan
