Gikompirmar sa Department of Justice (DOJ) ang pagkadiskubre sa usa ka sako nga giingong adunay sulod nga bukog sa tawo.
Napalgan ang sako atol sa pagpangita sa mga awtoridad sa mga patayng lawas sa mga missing nga sabangero sa Taal Lake.
Gikanayon sa DOJ nga importante kini nga pagsugod sa nagpadayong imbestigasyon sa mga missing sabangeros.
Giklaro usab sa DOJ nga mohimo lang unta og technical site assessment ang Philippine Coast Guard (PCG) sa dihang ilang nakit-an ang sako.
Busa, ang mga bukog ipaubos sa eksaminasyon aron masuta kon sakop ba kini sa mga missing nga sabangero.
Kahinumduman nga si Julie Patidongan, usa sa mga akusado ug posibleng whistleblower sa kaso, nibutyag nga kapin sa 100 ka mga biktima ang gipatay ug gilabay sa Taal Lake tungod sa mga pasangil sa pagpanikas sa manok.
Gipasanginlan usab niya ang negosyante nga si Atong Ang ug ang iyang uyab nga si Gretchen Barretto nga maoy nagpaluyo sa pagpatay.
