Naghiusa ang Department of Justice ug ang Department of Social Welfare and Development (DSWD) sa pag-establisar ug pagpatuman sa compensation sa mga batang biktima sa kapintasan.
Diin pormal ng gipirmahan ang kasabotan o Memorandum of Agreement sa duha ka ahensya sa gobyerno bahin niini.
Kini gipangunahan nila Justice Undersecretary Deo L. Marco ug DSWD Undersecretaries Adonis Sulit ug Monina Josefina Romualdez sa gipahigayong programa sa Justice Hall sa Department of Justice.
Ang gipirmahan nga Memorandum of Agreement nagtumong sa pagpadali sa proseso sa paghatag og hinabang sa mga batang biktima sa kapintasan nga ubos sa pag-atiman sa DSWD Residential Care Facilities.
Busa, sumala sa nasangpit nga kasabutan, ang mga biktima makadawat og ‘compensation’ sa tanang matang sa injustice ug dili kini limitado sa online sexual abuse, exploitation, rape, torture, human trafficking, illegal detention, enforced disappearance ug uban pa.
