Good luck!
Mao kini ang tubag sa Palasyo sa ‘President Rodrigo Duterte Act’ nga gisang-at ni Senador Imee Marcos.
Matod ni Palace Press Officer USec. Claire Castro, kabahin sa trabaho sa mga senador ang paghimo og mahinungdanon nga mga balaod alang sa katawhan ug kalamboan sa nasud, ug dili lang alang sa personal nga interest.
Nasayran nga sa wala pa ang pagsang-at sa maong balaudnon, ang Senador nihimo usab og senate inquiry sa pagdakop ug pag turn-over kang Duterte ngadto sa ICC.
Basi sa explanatory note sa nasangpit nga balaudnon, tumong niini nga mapugngan ang mga kaso sa extraordinary rendition o forced turn-over sa mga akusado ngadto sa langyaw nga mga korte, sama sa sitwasyon nga giatubang ni kanhi Presidente Rodrigo Duterte sa International Criminal Court.
Ingon man nga bisan kinsa nga makalapas niini mahimong mapriso hangtod sa 20 ka tuig.
