Kanunay nga abli ang buhatan ni Presidente Ferdinand Marcos Jr. sa tanang makahuloganong mga sugyot ug rekomendasyon gikan sa Opisina sa Bise Presidente nga makapataas sa kinabuhi sa mga Pilipino.
Kini ang gipahayag ni Claire Castro, nunot sa pamahayag sa Office of the Vice President (OVP) nga wala gisuportahan sa gobyerno ang pundo sa iyang buhatan alang sa mga proyekto ug programa sa OVP.
Sa press briefing sa Malacañang, si Castro niingon nga gidawat ug wala gisalikway sa administrasyon ang mga maayong sugyot gikan sa OVP.
Ingon man nga andam si Presidente Marcos nga maminaw nila.
Dugang usab niini nga adunay higayon nga niingon si VP Sara nga nasayod siya sa pormula sa pagpaubos sa presyo sa bugas sa Pilipinas, apan nagdumili kini sa pagpaambit sa gobyerno, kay matud pa ni VP Sara, dili siya gustong motabang sa administrasyon.
Buot pasabot niini nga ang giingong pagbabag sa iyang gustong buhaton alang sa katawhan dili gikan sa gobyerno ug ni gikan kang Presidente Marcos.
