Hugot nga gimanduan ni Presidente Ferdinand Marcos Jr. ang tanang ahensya sa gobyerno sa pagsiguro sa kaluwasan sa publiko nunot sa kasamtangang nasinati nga bating dagan sa panahon, ilabi na sa lapad nga pagbaha sa Metro Manila ug pipil ka probinsya sa nasud.
Busa, gipasalig sa Presidente ang dinaliang pagtunol og mga hinabang sa mga labing apektado sa kalamidad.
Matod sa Presidente, sa wala pa siya moadto sa US aron dawaton ang imbitasyon ni Presidente Donald Trump, nakigsulti siya sa mga punoan sa lain-laing mga ahensya aron mapahamtang ang maong tumong.
Pipila sa mga ahensya nga iyang gitumbok mao ang Department of Interior and Local Government (DILG), Dept. of Public Works and Highways (DPWH), Department of Transportation (DOTr); Office of the Civil Defense (OCD), Department of Health (DOH); Department of Energy (DOE), ug Dept. of Social Welfare and Development (DSWD).
Gitambagan usab sa presidente ang publiko nga tumanon ang kamandoan sa mga nagdumala labi na kung sila gipabakwit.
