PROVINCE OF BOHOL- Mitala sa ilang pinakaubos nga inflation rate karong tuiga ang lalawigan sa Bohol sa Central Visayas niadtong nakalabayng buwan sa Hunyo.
Mas ubos kini kung itandi sa headline inflation sa susamang panahon sa nakalabayng tuig 2024 nga anaa sa ihap nga 5.2 percent ang inflation rate.
Miubos kini sa 1.5 percent ang inflation sa probinsya nanukad gikan sa lihok sa presyo sa mga batakang panginahanglunon ug serbisyo nga nakalaslas og .2 percent gikan sa 1.7 percent inflation rate pag Mayo 2025.
Matod pa ni Philippine Statistics Authority (PSA) Bohol Chief Supervising Statistician Jessamyne Anne Alcazaren nga gikumpirmar niyang kini ang pinakaubos nga headline inflation sa Bohol sulod sa unang mga buwan rong tuiga nga nagduwa sa 2.7 percent ngadto sa 2.0 percent ang ilang inflation rate.
Nag-unang tinubdan sa pagtibugsok sa inflation rate kay ang pag-stabilize sa gastuanan sa abang (rent), tubig, kuryente, gasolina ug uban pa.
