PROVINCE OF CEBU- Nahimong malampuson ang gipahigayong Libreng Medical ug Surgical Mission sa kagamhanang lalawigan sa Sugbo ngadto sa dakbayan sa Bogo sa amihanang probinsya diin nakaserbisyo kini og 60 ka mga major surgeries sulod sa usa ka adlaw.
Ang maong kalihukan kay gipahigayon sa Cebu Provincial Hospital – Bogo City diin sumada pa sa mga doktor sa maong kalikuhan nga muakabat sa kinatibuk-ang P9-12 milyones nga balor sa surgical services ang nadalit sulod lang sa usa ka adlaw.
Ang mga medical procedures kay naglakip sa mga komplikadong operasyon sama sa laparoscopic cholecystectomy for gallstones ug hernia repairs para sa mga Adults ug Pediatric.
Inabagan sa mga kilas ug eksperyensadong mga medical teams ug partners ang maong kalihokan sama nalang sa Sui Generis Missions (SGM), Cebu Doctors’ University Hospital Center for Minimally Invasive Surgery Core group, ug SGM anesthesia, nursing, auxiliary teams, and industry partners.
Ang maong inisyatiba kay nahimong mahinungdananon tungod sa lig-on nga kolaborasyon tali sa kagamhanang lalawigan ug medical community ubos sa tinguha sa administasyon ni Cebu Provincial Governor Pamela “Pam” Baricuatro.
Gawas sa major surgeries, nakadalit pud kini sa 161 ka mga pasyente sa Minor surgeries, 178 ka mga pasyente sa General Consultations, 191 ka mga pasyente sa Ophthalmology services, ug 103 ka mga pasyente sa Dental services.
Kabahin gihapon kini sa pipila ka mga kalihokan sa Kapitolyo atol sa pagsaulog karong buwan sa ika-456 nga Founding Anniversary sa lalawigan.
