Abagan sa Kagamhanang Lalawigan sa Sugbo ang buhatan sa Department of Science and Technology (DOST) ang pagpalapad sa mga programa niini nga nakatutok sa pagpalambo sa agham ug teknolohiya pinaagi sa opportunidad sa scholarship ug pag-promote sa mga lokal nga pamatigayon.
Mainiton gisugat ni Cebu Provincial Governor Pamela “Pam” Baricuatro si DOST Cebu Provincial Director Bryan Ybañez kauban si Rino Dominic Cabungcal, angScience Research Specialist and Innovation Hub Manager sa ahensya.
Ang ilang diskurso kay nakatutok sa pagpabaskog sa kolaborasyon sa mga programa sa DOST para sa mga Sugbuanon.
Ang mga opisyales sa DOST nagsugyot kang Gov. Baricuatro sa pag-promote sa innovation scholarship sa DOST nga nagdalit og tuition and allowance allocation para sa mga undergraduate ug postgraduate student sa science-and technology-related fields.
Sumala pa ni Cabungcal nga importante ang pakig-alayon sa mga lokal nga panggamhanan aron ang mga programa kay madalit sa daghan pang benepisraryo.
Giduso usab sa mga opisyal sa DOST ang mas lapad nga promosyon sa mga produkto sa micro and small enterprises (MSEs) nga naugmad uban sa tabang sa ahensya.
Naghatag sab ang DOST og suporta sa food processing and product development agi og pagtabang sa mga negosyo sa pagpalambo sa ilang kakompetensya pinaagi sa inobasyon.
Gihangop ni Gov. Baricuatro ang mga inisyatiba nga nagpasalig nga labaw pa siya sa andam sa pagtabang sa pagpakaylap sa kahibalo sa mga programa ug produkto sa DOST aron mas daghang Sugbuanon ang makabenepisyo niini.
