Sugdan na sa umaabot adlaw nga Sabado, Agosto 23, nga muhangtod sa adlawng Dominggo, Agosto 24 ang laing edisyon sa Libreng Medical and Surgical Mission sa Kagamhanang Lalawigan sa Sugbo ngadto sa lungsod sa Balamban sa kasadpang lalawigan.
Ipahigayon ang maong kalihokan sa Cebu Provincial Hospital – Balamban isip kabahin sa padayong pagsaulog sa ika-456 nga Founding Anniversary sa lalawigan karong buwan sa Agosto.
Ang mga serbisyong itanyag kay mao ang:
Medical Consultation – Check Up only (Adults and Pedia) para sa mata, dalunggan, ilong ug tutunlan.
Minor Surgery alang sa pagtangtang sa cyst ug bugon o bukol.
Major Surgery para sa hernia (danlak), thyroid (goiter), ug tahbso (ovary, fallopian tube ug uterus) alang lamang sa nakahuman na sa screening ug andam na para admission.
Suportado ang maong kalihokan sa Kapitlyo sa mga partner agencies sama sa All-Terrain Medical Relief Organization, Perpetual Succour Hospital, Cebu Velez General Hospital, Visayas MED, Cebu Medical Society, Integrated Bar of the Philippines (IBP), KAAMBAG Clinic sa VSMMC, Cebu Provincial Hospital–Balamban, ug sa lokal nga kagamhanan sa Balamban.
