Gibutyag ni Senador Panfilo Lacson ang pangalan sa opisyal sa Department of Public Works and Highways (DPWH) nga nagplano og insertion sa 2026 national budget.
Giingong usa ka Undersecretary Cabral ang mitawag kang Senador Vicente Sotto III human sa May 2025 election nga nag-imbitar sa senador nga adunay insertion sa 2026 national budget.
Gitawagan sa opisyal ang usa sa mga kawani ni Sotto ug gustong isal-ot sa maong budget.
Giklaro ni Sotto nga wala siya direktang nakigsulti kang Undersecretary Maria Catalina Cabral, kinsang USEC. sa for planning, public-private partnerships, and information management services ug nagpadala na hinuon og emisaryo.
Kahinumdoman gibutyag ni Lacson ang mga anomaliya nga nahitabo sa flood control projects nga naglambigit sa pipila ka mga opisyal sa DPWH.
