Gisusi sa Kagamhanang Dakbayan sa Sugbo ang luna sa non-governmental organization nga Gawad Kalinga Community Development Foundation sa Barangay Budlaan sa bukirang bahin sa syudad nunot sa planong pagatukurong duha ka 5-storey Medium Rise Buidlings.
Gipangulohan ni Cebu City Mayor Nestor Archival Sr. ang pagsusi sa maong dapit diin orihinal kini gipanag-iya ang yuta sa National Grid Corporation of the Philippines (NGCP) nga gitaganang relocation site sa mga pamilyang maapektuhan sa ilang mga proyekto.
Sumala ni Joan Marie Loreto gikan sa Cebu City Division for the Welfare of the Urban Poor (DWUP) nga moabot sa 18 ka mga pamilya ang maapektohan sa proyekto sa NGCP lakip na ang multi-purpose building, daycare center, ug kapilya nga nahimutang sa maong dapit.
Gani subay sa maong kalambuan, nipadayag sa iyangpasalamat si Mayor Archival sa NGCP nga nihatag sa luna nga mukabat sa 9,000 square meters nga dako na gikan sa 5,139 nga gikinahanglan lang sa proyekto nga maoy ugmarong relocation sites sa mga apektadong pamilya.
Ingon man nga abagan sa kagamhanang dakbayan ang pagpatuman niini kauban nag Philippine Institute of Environmental Planners (PIEP) ug Presidential Commission for the Urban Poor (PCUP).
Gikatakdang sa umaabot ang pagbuhat sa usa ka Memorandum of Understanding tali sa City Government ug PIEP aron mapadali kini sa pagpatuman.
